Subscribe

RSS Feed (xml)

Powered By

Skin Design:
Free Blogger Skins

Powered by Blogger

Friday, November 30, 2007

Medyo niinit ang akong Ulo. Ngano kaha?

Medyo niinit akong ulo gamay karon tungod sa insik nga tag iya sa Asian Market. Grrrr Tagsa ra jud insik nga buotan, maihap ra sa tudlo. Kaganiha gud pag gawas nako gikan sa trabaho nag grocery dayon ko kay Huwebes man lagi karon, mora man sad ug tabo sa Asian Market basta kini nga adlaw kay naa man mangabot nga mga preskong utanon, prutas ug panakot. Sa nahuman na ko ug pili sa akong palitunon, ni linya nako sa cashier diin ang insik nga babaye ang naa sa kahera (ang asawa). Naay nag-una nako nga tigulang insik sad nga lalaki unya nag ininsikay sila ug storya.hehe Wako kasabot kay di man lagi ko insik pero wa sad ko paki kung unsa ilang gi storyahan. Sa nahuman na ug bayad ang tigulang laki, wapa nako gibutang ang akong basket sa kahera dapit kay naa paman sa akong kilid ang tigulang. Hinay baya ug lihok ning mga tigulang kay mag amping lagi sa lawas, lisod na ug ma disgrasya. Mao nga nagpaabot sad ko sa tigulang nga molakaw na aron di nako madasmagan samtang nagkuha siya sa iyang gipamalit nga gisud na sa plastic bag. Dili hinuon kaayo busy pagbayad nako kay wala may nagsunod nako aron mobayad sad. Naunsa ba ang insik nga kahera niingon man ug kalit nga “Hellooo!” Nya ang kamot duha mora ug gi wara2 sa hangin kay gusto niya nga ako ng ipakwenta niya ang akong dala. Wa ko nitubag kay wako kaangay sa iyang pag tratar nako as iyang custumer. Paghawa na sa tigulang mao pa nako gibutang sa lamesa ang akong mga pinalit. Credit card akong gamit pirmi basta mopalit ko bisan asa kay ulian man mi ug 2% sa among nagasto gamit ang Credit card basta bayaran sad dretso ig abot sa bill. So bisan unsa ka gamay, credit card jud akong gamiton kay ang daghan nga gamay modako na baya, dili ra mahibaw-an. Para nako maayo nana nga deal. Sus, sa nahuman nako ug bayad nakahinumdom ko sa salonpas nga usa sa akong tuyo didtong tindahana. Akong giingnan ang insik nga babaye nga mopalit sad ko ug salonpas, naa raman sad sa iyang luyo so ok ra kay dili na kinahanglan lakwon pa. Ana! Gitubag pa bitaw ko ug “Naa kay cash?” nga kanang lain ba ang tuno sa pagpangutana. Lain man lagi diri kay below $10 gani imong paliton, ang uban tindahan dili modawat ug credit card ang bayad, pero kahibaw nako ana kay gisultian man ko sa insik sa una. Mao na akong gikasaputan gamay karon adlawa kay lahi ug sinultian ang insik. Hinuon lahi2 ug batasan ang taw. Mao ra gud nang storyaha. Walay hinungdan kay makadaot sa beauty.hehe

2 comments:

Gladys Erhardt said...

nayabag na tong intsika to..bisnis man kaha iyahang tuyo unya nganong mamili man og form og payment? So what kung credit card imong ibayad..ang iya apason nga makabaligya siya.

na..ipasaksak sa iyang baga ng iyang salonpas chille..iyawat na lang nga makuha kuhaan iyahang panuhot..hehe.
Bitaw pwera gaba lang..lain jud siya og batasan.

Michelle said...

hahaha makatawa man sad ta sa imong comment glad, morag niinit sad imong ulo diha paminaw nako. daghan na ta.hehe ako lagi giingnan akong bana nga basin dili ganahan nako ang insik nga baye kay gamay raman akong paliton pirmi, di man sinako sako nya ingon sad akong bana nga di sad tingali, batasan na jud na niya. nindot lagi bawsan ug wara2 sa kamot bah, pero abi pa lang walay grado sama niya.hehe ana na jud na sya daan sukad pa pag abot nako diri, magmugtok iya nawng pirmi di mo smile, morag kapwa insik ra iya ngisihan kay magkasinabot man sila. amo sad bitaw syang gipangutana sa una bout sa crab kay mao man lagi pirmi sad akong tuyo didto kay buhi man, lami man jud ng presko nya kay abot na lang ug buwan waman gihapon crab so nangutana ko kung wa ba sila crab, nah wa bitaw na ni tingog. praning jud. gipangutana sad sa akong hubby pag sunod namong balik nya niingon ra ug NO. nindot jud ug batasan oi, gipanuhot tali ang utok ato kay di man magklaro ug tubag. pasagdaan na lang kay madaot atong beauty niya. tc!